Эксперты рэкамендуюць, што можна зрабіць з блакіроўкай інтэрнэту ў Беларусі

Эксперты пішуць, што беларускія спецслужбы 9-13 жніўня здзейснілі блакіроўку інтэрнэту з мэтай пазбаўлення каардынацыі пратэстаў і недапушчэння распаўсюду інфармацыі пра жорсткія дзеянні ўладаў у дачыненні пратэстоўцаў. Яны прыходзяць да высновы, што ўлады памыліліся: блакіроўка інтэрнэту прывяла і да актывізацыі пратэстаў, і да сур'ёзных эканамічных стратаў (апошні фактар і падштурнуў да спынення блакіроўкі). У тыя дні наша краіна "выйшла ў глабальныя лідары па выкарыстанні інструментаў абыходу інтэрнэт-блакіровак". Інфармацыя пра дзеянні сілавікоў і іх злачынствы "трапіла да інтэрнэт-карыстальнікаў у канцэнтраваным выглядзе і прывяла да паскоранай мабілізацыі пратэстных групаў ва ўсіх слаях насельніцтва".

Эксперты iSANS робяць выснову, што "кіраўніцтва Рэспублікі Беларусь і супрацоўнікі сілавых структур, якія ўдзельнічалі ў блакіроўцы інтэрнэту, парушылі базавае права грамадзян на доступ да інфармацыі, гарантаванае Канстытуцыяй... і міжнароднымі дамовамі". Нягледзячы на тое, што беларусы ў жніўні 2020-га навучыліся абыходзіць блакіроўкі, эксперты рэкамендуюць "здзейсніць тэставанне тэхналогій нізкаарбітальнага спадарожнікавага інтэрнэта (Kuiper / OneWeb / StarLink) над тэрыторыяй Беларусі для далейшага выкарыстання".