ЕС забароніць пастаўкі ў РБ тавараў і тэхналогій, якія ўдасканальваюць абарону

ЕС рыхтуе новыя санкцыі

ЕС рыхтуе новыя санкцыі

Еўрасаюз падрыхтаваў праект 16-га пакету санкцый супраць Расіі і Беларусі. Ухваліць іх плануюць да трэцяй гадавіны ад пачатку поўнамаштабнага расійскага ваеннага ўварвання ва Украіну, якое падтрымаў рэжым Лукашэнкі.

ЕС, як паведамляе Радыё "Свабода", прапануе забараніць пастаўкі ў Беларусь і транзіт праз яе тэрыторыю тавараў і тэхналогій, якія могуць спрыяць тэхналагічнаму ўдасканаленню сектару абароны і бяспекі Беларусі.

Гаворка ідзе аб прадукцыі, якую Расія выкарыстоўвае ў вайне супраць Украіны. Гэта сярод іншага хімічныя прэкурсоры для спецсродкаў, якія выкарыстоўваюць сілавікі. Таксама пад забарону трапяць пастаўкі матэрыялаў для вытворчасці беспілотнікаў. Акрамя таго, прапануецца абмежаваць пастаўкі з Беларусі першаснага алюмінію, якія выкарыстоўвалі для дыверсіфікацыі даходаў.

Пад забарону на транізт трапіць электроніка (у тым ліку мікрасхемы і працэсары), камп'ютары і абсталяванне для іх (акрамя ПК), тэлекамунікацыйнае абсталяванне, датчыкі і лазеры , прылады для навігацыі і авіятэхнікі, судны, марскія сістэмы ці абсталяванне для іх, аэракасмічныя ўстаноўкі і рухавікі, абсталяванне для здабычы ці разведвання нафты, сейсмалагічных вымярэнняў ды інш.

Прапановаў пра персанальных санкцыях супраць фізічных асоб ці кампаній з Беларусі ў гэтым пакеце няма. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі