Як на самой справе выраслі цэны за год: ікра — на 40%, алей — на 23%

Аліўкавы алей за год падаражэў на 22,89%.

У Беларусі за 2024 год падскочылі цэны і на каву: молатая набрала 22,66%, распушчальная — 19,56%.

На 16,79% падаражэлі шакаладныя цукеркі, а сам шакалад прыбавіў за год амаль 23%. Цэны на какаву падскочылі на 23,06%.

Хаця цэны і на каву, і на шакалад рэгулююцца.

Як падаражэлі садавіна і гародніна

Памідоры за 2024 год падаражэлі на 12%, бульба на 31,17%, цэны на часнок выраслі на 26%, а на салодкі перац — на 33%.

Цана на замарожаную гародніну павялічылася на 11%, а грушы падаражэлі на 13,14%.

Чаму растуць цэны ў Беларусі і што нас чакае ў 2025-м

Цэны ў Беларусі будуць расці і надалей, а па многіх нерэгуляваных таварах "мы будзем бачыць двухзначную інфляцыю", — выказвае ўпэўненасць эканамістка Аліса Рыжычэнка.

 — Мы гэта бачым і зараз, таму што ў нас бульба за мінулы год падаражэла на 30%, хоць цэны рэгулююцца. А ў суадносінах снежань да лістапада яе цана вырасла на 60%.

Такія кропкавыя рэчы будуць адназначна адбывацца, і ў цэлым інфляцыя будзе расці. Ёсць перадумовы, што будзе змяняцца курс долара ў бок павышэння. А яшчэ, інфляцыя, хутчэй за ўсё, будзе паскарацца ў Расіі.

Экспертка адзначае, што рост цэн на імпарт з Расіі і заходніх краін у сукупнасці прывядзе да двухзначнай інфляцыі.

Рэгуляванне цэн у Беларусі

Рэгуляванне цэн на некаторыя харчовыя і нехарчовыя тавары ўрад Беларусі ўвёў у кастрычніку 2022 года.

З тых часоў цэны на гэтыя тавары раслі толькі ў межах усталяваных абмежаванняў. Напрыклад, у 2024 годзе інфляцыя склала 5,2%. Пры гэтым кошт некаторых нерэгуляваных тавараў павялічваўся ў дзясяткі працэнтаў.