29 сакавіка ў Беларусі падаражэе аўтамабільнае паліва
Павышэнне цэн адбываецца кожны тыдзень
29 сакавіка ў Беларусі на АЗС падаражэе аўтамабільнае паліва, паведамляе "Белнафтахім". На 2 капейкі, як і ў мінулую суботу.
Новыя кошты будуць наступныя:
- АІ-92-К5-Еўра — 2,40 рубля;
- АІ-95-К5-Еўра — 2,50 рубля;
- АІ-98-К5-Еўра — 2,72 рубля;
- ДП — 2,50 рубля.
12 сакавіка "Белнафтахім" аб'явіў, што на працягу вясны паліва падаражэе на 16 капеек. Павышаць цэны на паліва будуць па 2 капейкі ў тыдзень. У дзяржаўным канцэрне спасылаюцца на "ўсебаковую ацэнку эканамічнай сітуацыі, кан'юнктуры рынку нафты і нафтапрадуктаў у сумежных дзяржавах".
