Футбольная зборная Беларусі абыграла Косава

Футбольная зборная Беларусі абыграла ў гасцях Косава — 1:0. Адзіны гол на 43-й хвіліне забіў Дзмітрый Анцілеўскі.

У адборы чэмпіянату Еўропы беларуская зборная фінішавала на 4-м месцы ў групе I. Румынія набрала 22 ачкі, Швейцарыя — 17, Ізраіль — 15, Беларусь — 12, Косава — 11, Андора — 2 ачкі. Беларускія футбалісты свае матчы правялі наступным чынам: Андора — 0:0 і 1:0, Швейцарыя — 0:5 і 3:3, Румынія — 1:2 і 0:0,  Ізраіль — 0:1 і 1:2, Косава — 2:1 і 1:0.