Ігар Бузоўскі стаў намеснікам міністра інфармацыі
![Ігар Бузоўскі стаў намеснікам міністра інфармацыі](/sites/default/files/styles/gallery_main/public/2023-08/000023_22e5128050868df44325817e003c1880_410786.jpg.webp?itok=huwS0hV6)
Ігар Бузоўскі стаў намеснікам міністра інфармацыі. Прызначэнне ўзгадніў Аляксандр Лукашэнка, інфармуе БЕЛТА. Бузоўскі — ураджэнец Навагрудскага раёна Гродзенскай вобласці, яму 46 гадоў. Раней ён працаваў у галоўным ідэалагічным упраўленні Адміністрацыі прэзідэнта (у 2005-2010 гадах), ачольваў БРСМ (у 2010-2014 гадах), быў намеснікам кіраўніка Адміністрацыі прэзідэнта (2014-2016), кіраўніком адміністрацыі Цэнтральнага раёна Мінска (з сакавіка 2017-га). Больш падрабязна яго біяграфію гл. тут.
Міністр інфармацыі Аляксандр Карлюкевіч займае гэтую пасаду з верасня 2017 года, калі замяніў Лілію Ананіч. У студзені 2018-га намеснікам Карлюкевіча прызначылі Паўла Лёгкага, былога кіраўніка прэс-службы Аляксандра Лукашэнкі.