Іран пачаў пастаўляць у Расію бронекамізэлькі і каскі
Украінцы рыхтуюцца нанесці ўдар / https://www.facebook.com/GeneralStaff.ua
Іран пачаў пастаўляць у Расію бронекамізэлькі і каскі. Імі будуць забяспечваць мабілізаваных у расійскую армію, паведамляе Галоўнае ўпраўленне выведкі Мінабароны Украіны. Па яго даных, згаданая амуніцыя (1500 бронекамізэлек і столькі ж касак) знаходзіцца на складзе ў Белгарадскай вобласці РФ. У бліжэйшы час яе атрымаюць мабілізаваныя.
Украінская выведка адзначае, што Расія пайшла на такі крок з-за "няздольнасці забяспечыць новую хвалю мабілізаваных неабходнай амуніцыяй уласнай вытворчасці".
Таксама ў Кіеве стала вядома, што Іран накіраваў у Расію новую групу інструктараў. Яны павінны дапамагаць расіянам у баявым выкарыстанні беспілотнікаў новага тыпу — Arash-2, а таксама іранскіх ракет класу "зямля-зямля". Пастаўкі іх таксама чакаюцца.
Іранскія інструктары ўжо дапамагалі расійскай арміі ва Украіне (найперш у выкарыстанні баявых беспілотнікаў Shahed-136 і Mohajer-6) і, па ўкраінскіх даных, панеслі першыя страты пад абстрэламі.
