Кнігу "Беларуская нацыянальная ідэя" купілі за 5000 долараў
Кніга "Беларуская нацыянальная ідэя" / Еўрарадыё
Кнігу "Беларуская нацыянальная ідэя" з аўтографамі Змітра Лукашука, Лявона Вольскага і Уладзіміра Пугача купілі за 5000 долараў. Гэта адбылося ў Чыкага, падчас сумеснага канцэрта гуртоў Volski i J:Морс, куды беларускія музыкі адправіліся разам з рэдактарам Еўрарадыё.
Падобныя імправізаваныя аўкцыёны адбываюцца на ўсіх канцэртах, куды кампанія прыязджае ў межах гастрольнага туру па ЗША. У Нью-Ёрку кніга аўтарства Змітра Лукашука і Максіма Гарунова была прададзена за 2000 долараў, у Філадэльфіі — за 2500. Наперадзе — сустрэчы з беларусамі Маямі, Сан-Францыска і Лос-Анжэлеса.
Грошы ад аўкцыёнаў пойдуць на дапамогу беларускім палітвязням і беларускім добраахвотнікам, якія ваююць за Украіну.
