Кныровіч: вайна будзе яшчэ 5-10 гадоў
Наступствы абстрэлу ў адным з сёлаў Данецкай вобласці / Reuters
З 24 лютага галоўнай падзеяй застаецца напад Расіі на Украіну. На шчасце, украінскія вайскоўцы адбіваюць удар, але пра заканчэнне вайны гаварыць яшчэ рана.
"Я думаю, што вайна будзе доўга. Не бачу цяпер умоў ні для таго, каб Пуцін перамог — дзякуй богу, гэта немагчыма, — ні для таго, каб ён спыніўся. У яго ўнутры няма матывацыі, акрамя выбараў 2024 года. Я не бачу ўнутры Украіны нейкіх позываў пагадзіцца з сённяшнімі стратамі. Таму, у маім уяўленні, яно можа працягвацца 5-10 гадоў, у млявапраяўным рэжыме", — сказаў у эфіры Еўрарадыё прадпрымальнік і блогер Аляксандр Кныровіч.
