Краіны Паўночнай Еўропы супраць удзелу беларусаў і расіян у Алімпіядзе
Калі спорт пад санкцыямі / Ілюстрацыйнае фота pixabay.com
Алімпійскія і паралімпійскія камітэты Паўночных краін Еўропы, а таксама нацыянальныя спартыўныя федэрацыі гэтых краін зноў выступілі супраць удзелу беларускіх і расійскіх спартсменаў у міжнародных спаборніцтвах, у тым ліку і ў Алімпійскіх гульнях. Яны прынялі сумесную заяву па выніках сустрэчы, якая прайшла ў Грэнландыі. У ёй удзельнічалі прадстаўнікі Грэнландыі, Даніі, Фінляндыі, Ісландыі, Нарвегіі, Швецыі, Фарэрскіх і Аландскіх астравоў.
"Сітуацыя з вайной на Украіне не змянілася. Таму мы цвёрда стаім на сваёй пазіцыі не дапускаць расійскіх і беларускіх спартсменаў і афіцыйных асоб да ўдзелу ў міжнародных спартыўных спаборніцтвах. Цяпер непадыходны час разглядаць пытанне аб іх вяртанні; такая наша пазіцыя", — адзначаецца ў заяве.
Папярэдні раз Паўночныя краіны выступілі супраць удзелу спартсменаў РБ і РФ у міжнародных спаборніцтвах у лютым 2023-га.
Tiden er ikke moden til at lukke russiske atleter tilbage i international konkurrence - heller ikke under neutralt flag.
— DIF - Bevæger Danmark (@DIFidraet) September 4, 2023
Det er den klare opfordring fra de nordiske olympiske og paralympiske komitéer samt de nationale idrætsforbund.
Læs mere https://t.co/JoEZw2nrWV
