Літва не пусціць тэнісістаў-юніёраў з Беларусі і Расіі на турнір у Шаўляі
Літоўскі тэнісны турнір абыдзецца без спартоўцаў з Беларусі і Расіі / pixabay.com
Тэнісісты з Беларусі і Расіі не змогуць прыняць удзел у юніёрскім турніры ў літоўскім Шаўляі, які пройдзе ў красавіку. Літоўскі тэнісны саюз вырашыў не пускаць іх на спаборніцтвы, піша LRT.
Такія рэкамендацыі дало Міністэрства спорту Літвы. Міжнародная федэрацыя тэніса дазволіла Літоўскаму тэніснаму саюзу праводзіць турнір без удзелу беларускіх і расійскіх спартоўцаў.
Наконт моладзевых тэнісных турніраў Міжнародная федэрацыя тэніса пакуль не выказалася, кажа кіраўнік Шаўляйскай акадэміі тэніса Міндаўгас Шарэпка.
Сёлета ў лютым у Літве прайшлі турніры з удзелам беларускіх і расейскіх тэнісістаў, што выклікала абурэнне ў СМІ. Спартоўцы з Беларусі і Расіі трапілі пад міжнародныя санкцыі ў 2022 годзе пасля пачатку расійска-ўкраінскай вайны.
