Лукашэнка: Беларусь будзе працаваць з "Уралкаліем", але толькі на сваіх умовах

Новыя акцыянеры кампаніі "Уралкалій" рэгулярна звяртаюцца да Аляксандра Лукашэнкі з прапановамі супрацы з "Беларуськаліем". Пра гэта кіраўнік дзяржавы заявіў 23 чэрвеня на пятым Усебеларускім народным сходзе.

"Цяпер амаль кожны месяц да мяне ідзе зварот з боку новых акцыянераў "Уралкалія": прыміце нас, хоць бы прыміце. Я кажу: будуць прапановы — гатовы з вамі сустракацца. А дзеля таго каб на рынку звярнулі ўвагу, што мы тут ледзь не ў абдымках ужо, — нам гэта не трэба", — перадае БЕЛТА словы беларускага кіраўніка.

Ён паведаміў, што беларускі бок не супраць новага аб'яднання з "Уралкаліем", але ўжо на сваіх умовах. Лукашэнка пагадзіўся аднавіць працу Беларускай калійнай кампаніі як агульнага трэйдара і падзяліць рынкі. "Беларускую калійную кампанію, якая займалася продажам, выносіць у Швейцарыю, за межы нашай краіны мы не будзем", — падкрэсліў кіраўнік дзяржавы.

Таксама Лукашэнка паведаміў, што пад Петрыкавам створаць прадпрыемства "Палессекалій". Гэта будзе магутны камбінат, абсталяваны па апошнім слове тэхнікі. А на Любанскім радовішчы з'явіцца прадпрыемства "Слаўкалій".