Мужчына пілаваў дровы і памёр ад неасцярожнага абыходжання з бензапілой

Трагедыя адбылася яшчэ летам гэтага года. Жыхарка вёскі Сялецк Пухавіцкага раёна купіла драўніну і папрасіла суседа дапамагчы з распілоўваннем, паведамілі ў Дзяржаўным камітэце судовых экспертыз.

Мужчына працаваў вальшчыкам лесу, меў бензапілу і адпаведныя навыкі. Аднак жанчына не заўважыла, што сусед у той дзень быў моцна п'яны.

Пазней вяскоўка заўважыла, што яе сусед ляжыць на зямлі, не варушачыся. У яго на целе раны ў вобласці левага пляча і шыі. Жанчына адразу ж выклікала хуткую дапамогу. Калі медыкі прыбылі на месца, то канстатавалі смерць мужчыны. Загінуламу было 42 гады.

Паводле заключэння экспертаў, у крыві загінулага выявілі этылавы спірт. Канцэнтрацыя склала 3,1 праміле. Мужчына атрымаў цялесныя пашкоджанні праз неасцярожнасць і парушэнні правілаў абыходжання з бензапілой.