Музыкі і гледачы, затрыманыя на канцэрце РСП, чакаюць судоў у ІЧУ Жодзіна

59 чалавек, затрыманых на канцэрце РСП у суботу, чакаюць судоў у ізалятары ў Жодзіне. 

Як паведамляюць праваабаронцы "Вясны", з 67 затрыманых былі адпушчаныя толькі непаўналетнія і тыя, на чыім утрыманні знаходзяцца дзеці. Але нават на чацвярых з іх складзеныя пратаколы.

Калі і дзе пройдуць суды — пакуль невядома. Спіс затрыманых тут.

Як распавядала Еўрарадыё, позна ўвечары 13 лютага АМАП уварваўся на турбазу "Агеньчык" у Смалявіцкім раёне. Там праходзіў канцэрт гуртоў "Разбітае сэрца пацана", Panska Moc і Ok-Band. 

Каментуючы затрыманне артыстаў і гледачоў, прэс-служба МУС заявіла, быццам міліцыянты спынілі несанкцыянаванае масавае мерапрыемства: "Пад выглядам музычнай вечарыны на аздараўленчай базе каля Смалявічаў сабраліся актывісты дэструктыўных телеграм-каналаў".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.