Музыку гурта Botanic Project у Маладзечне асудзілі на 7 сутак

Падчас дачы паказанняў Андрэй распавёў, што “стаў сведкам бессэнсоўнага брутальнага затрымання”, нічога незаконнага ў дзеяннях людзей не бачыў, у яго узнікла пачуццё абурэння. Таксама ён адзначыў, што ў машыну нічым не кідаў, маўляў, гэта быў эмацыйны ўзмах рукой.

“Я творчы чалавек, займаюся канцэртнай дзейнасцю, часта дабрачыннай, — цытуе Андрэя rh.by. — Калі праз пандэмію адмяніліся масавыя мерапрыемствы, крыніцы даходаў не стала. Да гэтага жыў з жонкай і сынам у Мінску. Цяпер жонка працуе ў Мінску”.

Хлопец часткова прызнаў сваю віну. Сказаў, што апладзіраваў аўтамабілям, якія праязджалі міма.

Суд прызначыў Андрэю адміністрацыйны арышт на сем сутак з дня затрымання. Змякчальнымі абставінамі стала тое, што музыка мае малалетняе дзіця.