"Мы нікога тут лавіць не будзем, хай ідуць" — Лукашэнка выказаўся пра мігрантаў
Мігранты працягваюць прарывацца з РБ у ЕС / twitter.com/Straz_Graniczna
27 кастрычніка Аляксандр Лукашэнка ў чарговы раз заявіў, што "Беларусь больш не будзе дапамагаць ЕС у барацьбе з нелегальнай міграцыяй". Бо ў яго крыўда на Еўрасаюз, які ўвёў санкцыі, спыніў сумесныя праекты па міграцыі і "пачаў эканамічную вайну".
"Наша пазіцыя светлая і зразумелая: мы не адстойнік, — гаварыў Лукашэнка. — Мы нікога тут лавіць не будзем. Тым больш вы іх паклікалі. Хай ідуць".
Як вядома, Захад ускладае адказнасць на міграцыйны крызіс на рэжым Аляксандра Лукашэнкі. Ёсць факты, што ён дзейнічае сумесна з РФ. І пры гэтым Лукашэнка абвінавачвае ў гібелі мігрантаў на мяжы суседнія краіны: "Не толькі кожны дзень, а па некалькі разоў на дзень падкідваюць трупы. І трупы, і паламаных, і пераламаных".
