На беларускіх палігонах ліквідуюць расійскія вайсковыя лагеры — СМІ
![Лагер на Абуз-Лясноўскім палігоне да і пасля 3 ліпеня / svaboda.org](/sites/default/files/styles/gallery_main/public/2023-08/lahier-0607.jpg.webp?itok=cPhgkWXE)
Лагер на Абуз-Лясноўскім палігоне да і пасля 3 ліпеня / svaboda.org
На беларускіх палігонах ліквідуюць трэніровачныя намётавыя лагеры, дзе вялася падрыхтоўка ваеннабавязаных расіян. Гэта зафіксавалі спадарожнікавыя здымкі сэрвісу Planet Labs, паведамляе Радыё "Свабода".
Гаворка ідзе пра палігон Абуз-Лясноўскі пад Баранавічамі, Лепельскі і Рэпішча пад Асіповічамі.
"Свабода" адзначае, што ўсе лагеры сталі ліквідоўваць сінхронна — 3 ліпеня.
Ці будуць вайскоўцы з гэтых лагераў выведзеныя з Беларусі, ці іх кудысьці пераводзяць у межах нашай краіны — невядома.
Амаль адначасова з гэтым пачалі будаваць намётавы лагер каля вёскі Цэль Асіповіцкага раёна — мяркуецца, што там размесцяцца вагнераўцы, якія пераходзяць у Беларусь.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.