На Курскай АЭС адбылася аварыя

У панядзелак уначы на Курскай АЭС у Расіі аўтаматычная сістэма бяспекі адключыла трэці і чацвёрты турбагенератары другога энергаблоку. Прычыны такой рэакцыі аўтаматыкі высвятляюцца. Як заявіў галоўны інжынэр станцыі Аляксандр Увакін: "Аварыя не мела ніякіх наступстваў для бяспечнай працы АЭС. Радыёактыўныя выкіды ў навакольнае асяроддзе застаюцца ніжэйшымі за дапушчальныя паказчыкі".

Адначасова эксперты перасцерагаюць, што пастаянныя аварыі на расійскіх АЭС могуць прывесці да чарговага Чарнобылю.

ИТАР-ТАСС