На Міншчыне дарожнікі трапілі пад свой аўтамабіль
На месцы аварыі / t.me/minobl_uvd/
Пад Мінскам дарожнікі трапілі пад свой аўтамабіль. Абодва мужчыны ва ўзросце 37 і 38 гадоў атрымалі цялесныя пашкоджанні.
Як паведамляе міліцыя Мінскай вобласці, ДТЗ адбылося 6 траўня ў 15:30 на 14-м кіламетры аўтадарогі Р-1 "Мінск — Дзяржынск". Аўтамабіль ГАЗ, якім кіраваў 32-гадовы жыхар Фаніпаля, рухаўся ў бок Дзяржынска і сутыкнуўся з ГАЗ, аўтамабілем дарожнікаў. Ён стаяў у паласе руху на месцы, дзе выконваліся дарожныя работы. Ад удару машыну адкінула на рабочых. Пацярпела і пасажырка з аўтамабіля жыхара Фаніпаля.
