На ўладальніка "Вострава чысціні" падалі ў суд некалькі кампаній
Крама "Востраў чысціні" / Яндэкс
Некалькі беларускіх кампаній падалі ў суд на ўладальніка сеткі крамаў "Востраў чысціні і густу", піша "Sputnik Беларусь".
На кампанію "Захад ХімГандаль" падалі ў суд фірмы-арэндадаўца "Лерынбудінвест" і "Гандлёвыя шэрагі "Магістраль" — за запазычанасць па арэнднай плаце. Таксама падалі пазовы гомельскі вытворца марозіва "Інгман марозіва" і дыстрыб'ютар "Беллакт-сталіца". Некалькі пазоваў пададзеныя ад Белаграпрамбанка.
Два пазовы да фабрыкі "Ромакс", звязанай з "Востравам чысціні" падаў расійскі вытворца сродкаў асабістай гігіены "Коттан Клаб".
