На волю выйшаў палітвязень Ілля Смольскі
На волю выйшаў 23-гадовы палітвязень Ілля Смольскі. У лістападзе 2021-га ў Брэсце ён быў асуджаны на 1 год абмежавання волі з накіраваннем ва ўстанову адкрытага тыпу. Смольскага прызналі вінаватым у знявазе дзяржаўнага сцяга РБ у верасні 2020 года. Па версіі следства, менавіта ён тузануў сцяг, які вісеў на будынку харэаграфічнай школы ў абласным цэнтры, і той упаў на зямлю. Яго затрымалі. У судзе Смольскі сваю віну прызнаў.
Праваабарончая супольнасць прызнала Іллю Смольскага палітвязнем у лютым мінулага года.
