NATO ля мяжы: ці стане гэта пагрозай для Лукашэнкі — эфір з Федуняком

Напярэдадні саміту NATO прэзідэнт Турцыі Эрдаган паведаміў, што не выступае супраць прыёму Швецыі ў Альянс. Адпаведны дакумент найбліжэйшымі днямі будзе перададзены на ратыфікацыю ў турэцкі парламент. А за дзень да гэтага рашэння Турцыя вярнула ва Украіну камандзіраў палка “Азоў”, якія паводле дамоўленасці мусілі знаходзіцца па-за межамі роднай краіны да канца вайны. Што да саміту ў Вільні, то там наўрад ці агучаць рашэнне пра прыняцце ў NATO Украіны, але і без падтрымкі яе не пакінуць. Спрабуе прыцягнуць увагу да сваіх праблем і беларуская супольнасць.

Ці толькі вайна на яе тэрыторыі стаіць на дарозе Украіны ў NATO? Ці ёсць у Альянса магчымасці паўплываць на сітуацыю ў нашым рэгіёне і якія? Як прыцягнуць увагу краін NATO да “беларускага пытання”? На гэтыя ды іншыя пытанні ў жывым эфіры Еўрарадыё адказвае прафесар Чарнавіцкага нацыянальнага ўніверсітэта, доктар палітычных навук Сяргей Федуняк.