Нобелеўскую прэмію па літаратуры атрымалі пісьменнікі з Польшчы і Аўстрыі
10 кастрычніка ў Стакгольме былі названыя імёны лаўрэатаў Нобелеўскай прэміі па літаратуры. Іх двое, паколькі летась прэмія не ўручалася. Лаўрэатамі сталі Вольга Такарчук з Польшчы і Петэр Хандке з Аўстрыі.
Такарчук 57 гадоў. Яе называюць адной з найбольш прыкметных сучасных польскіх пісьменніц. Летась яна стала лаўрэатам Міжнароднай Букераўскай прэміі за раман "Бягуны".
Хандке 76 гадоў. Ён пісьменнік і драматург. У 1995-м стаў лаўрэатам прэміі памяці Шылера. Яго самыя вядомыя творы — п'еса "Абраза публікі" (яна апублікавана ў 1966 годзе) і раман "Страх брамніка перад 11-метровым" (1970).
Раней былі аб'яўлены нобелеўскія лаўрэаты па медыцыне, фізіцы і хіміі. Урачыстае ўручэнне прэмій будзе праведзена 10 снежня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
2018 Literature Laureate Olga Tokarczuk was born 1962 in Sulechów in Poland, and today lives in Wrocław. She made her debut as a fiction writer 1993 with ‘Podróz ludzi Księgi’ (‘The Journey of the Book-People’).#NobelPrize pic.twitter.com/4E3GDgoKE8
— The Nobel Prize (@NobelPrize) 10 октября 2019 г.
2019 Literature Laureate Peter Handke was born 1942 in a village named Griffen, located in the region Kärnten in southern Austria. This was also the birthplace of his mother Maria, who belonged to the Slovenian minority.#NobelPrize pic.twitter.com/yK6lrKj9sv
— The Nobel Prize (@NobelPrize) 10 октября 2019 г.
