Новым міністрам абароны Украіны прызначаны Рустэм Умераў
![Рустэм Умераў / facebook.com/rustemumerov.ua/](/sites/default/files/styles/gallery_main/public/2023-09/375165180_709362584345418_2952537300927348797_n.jpg.webp?itok=wXyX4UBE)
Рустэм Умераў / facebook.com/rustemumerov.ua/
Новым міністрам абароны Украіны прызначаны Рустэм Умераў. Ён з'яўляецца эканамістам паводле адукацыі, дагэтуль узначальваў Фонд дзяржаўнай маёмасці. Яго кандыдатуру прапанаваў прэзідэнт Уладзімір Зяленскі. 6 верасня Вярхоўная Рада Украіны яе падтрымала.
Напярэдадні ў адстаўку быў адпраўлены міністр абароны Аляксей Рэзнікаў, які займаў гэтую пасаду з лістапада 2021-га.
Рустэму Умераву 41 год. Ён з этнічных крымскіх татар. Яго сям'я ў 1944-м была дэпартаваная з Крыма і вярнулася на радзіму ў 1990-я. Умераў працаваў у бізнэсе (кіраваў кампаніямі ў сферы тэлекамунікацый), займаўся грамадскай дзейнасцю. Быў у складзе ўкраінскай дэлегацыі на перамовах з Расіяй, у тым ліку па абмену ваеннапалоннымі.
![Новым міністрам абароны Украіны прызначаны Рустэм Умераў](/sites/default/files/styles/default_image_paragraph/public/paragraphs/image/34443344.jpg.webp?itok=Uq4B5GLo)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.