Пад Брэстам каля мяжы затрымалі траіх чалавек з беспілотнікам
![Затрыманыя каля мяжы](/sites/default/files/styles/gallery_main/public/2024-08/bes1.jpg.webp?itok=3j6zOnMi)
Затрыманыя каля мяжы / vk.com/gpkgovby
Уначы 2 жніўня пад Брэстам каля мяжы затрымалі траіх чалавек з беспілотнікам. Беларускія памежнікі сцвярджаюць, што "спынілі парушэнне мяжы". Беспілотнік самалётнага тыпу ўжо быў у паветры.
Затрыманне адбылося каля вёскі Заполле Брэсцкага раёна. У мужчын знайшлі прыладу для запуску беспілотніка і ноўтбук з пракладзеным маршрутам. За выкарыстанне беспілотнага лятальнага апарата ў памежнай зоне і парушэнне памежнага рэжыму склалі адміністрацыйныя пратаколы. Парушальнікам пагражае штраф — да 2000 рублёў.
Пра тое, што спрабавалі мужчыны пераправіць праз мяжу (ці гэта была толькі "трэніроўка"), памежнікі не ўдакладняюць.
![Пад Брэстам каля мяжы затрымалі траіх чалавек з беспілотнікам](/sites/default/files/styles/default_image_paragraph/public/paragraphs/image/Bes2.jpg.webp?itok=TwUG4ueI)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.