У РІКВ распавялі, ці будуць ЦТ і ЦЭ складанейшымі, чым летась
Якімі будуць ЦТ і ЦЭ?
"Структура тэставых работ, узровень складанасці заданняў па вучэбных прадметах не змяніліся, яны адпавядаюць структуры і ўзроўню складанасці работ 2024 года", — распавёў дырэктар Рэспубліканскага інстытута кантролю ведаў Юрый Міксюк.
Пры гэтым "калі ў праграме прадмета нейкія тэмы сышлі або дадаліся, гэта адбілася ў спецыфікацыі". Аднак "ніякіх сур'ёзных зменаў няма".
"Усе спецыфікацыі адпавядаюць зместу навучальных праграм па вучэбных прадметах, а гэта значыць, што яны адпавядаюць і новым падручнікам. Традыцыйна ўсе тэмы і пытанні, якія могуць быць задзейнічаныя ў тэсце, там выкладзены. Выпускнікі могуць з імі азнаёміцца", — распавёў Міксюк.
У мінулым годзе спецыфікацый было 15, у гэтым — 16. Дадаўся прадмет "Гісторыя Беларусі ў кантэксце сусветнай гісторыі".
