Хакеісты мінскага "Дынама" ў гасцях выйгралі ў "Ак Барса"
Аляксандр Волкаў атрымлівае віншаванні ад аднаклубнікаў / ХК "Дынама-Мінск"
20 снежня хакеісты мінскага "Дынама" ў рамках рэгулярнага чэмпіянату КХЛ сустракаліся ў Казані з мясцовым "Ак Барсам".
Гульня скончылася з лікам 3:1 (2:0, 0:1, 1:0) на карысць "зуброў". Перамогу дынамаўцам прынеслі капітан каманды Андрэй Стась і Аляксандр Волкаў, які аформіў дубль у матчы. Волкаў адкрыў лік у гульні, забіўшы шайбу на пятай хвіліне. А другой шайбай, забітай на 60-й хвіліне ў пустую браму саперніка, ён завяршыў матч.
Пасля гэтай сустрэчы дынамаўцы засталіся на сёмым месцы Заходняй канферэнцыі, але цяпер у іх актыве — 42 балы. "Ак Барс" займае трэцяе месца ва Усходняй канферэнцыі ВКЛ, маючы 46 ачкоў.
Дарэчы, з "Ак Барсам" дынамаўцы сустрэнуцца на пляцоўцы яшчэ сёлета — 25 снежня.
