Пад Мінскам зарэгістравалі выпадак шаленства ў казулі
Аналізы выявілі наяўнасць шаленства ў казулі (ілюстрацыйнае фота) / sb.by
Пад Мінскам у Ждановіцкім сельсавеце зарэгістравалі выпадак шаленства ў казулі. У студзені сёлета жывёла выйшла з лесу каля вёскі Крыжоўка і была атакавана сабакамі. Гаспадары змаглі іх адагнаць, а пасля вырашылі адвезці казулю ў спецыялізаваны ветэрынарны пункт у Маладзечне. Яе адправілі на аналізы, якія і выявілі наяўнасць шаленства. Пасля гэтага арганізавалі вакцынацыю сабак, якія кантактавалі з жывёлай, каб выключыць магчымасць інфікавання, піша pristalica.by.
У Мінскім занальным цэнтры гігіены і эпідэміялогіі кажуць, што правядзенне прафілактычных мерапрыемстваў распаўсюджана на ўсю тэрыторыю Крыжоўкі. Ветэрынары праводзяць падворныя абыходы па вёсцы.
