Пад выглядам аўсянкі з Беларусі ў Літву прывезлі цыгарэты на мільён еўра

Пад выглядам аўсянкі з Беларусі ў Літву прывезлі цыгарэты на больш за мільён еўра. Кантрабандны груз перахапілі літоўскія мытнікі.

Як паведамляе літоўская Мытная крымінальная служба, здарэнне адбылося на мінулым тыдні ў пункце пропуску "Шыльчынінкай" (на беларускім баку — "Беняконі"). Паводле дакументаў, у грузавіку былі 7 тон аўсянкі, якую чакала літоўская кампанія. Аднак пасля сканавання мытнікі пачалі шукаць кантрабанду. Высветлілася, што скрынкі з аўсянкай былі перамяшаныя са скрынкамі з цыгарэтамі NZ Gold. Іх налічылі 250 тысяч пачкаў.

Кіроўцу пагражае штраф ці пазбаўленне волі.