Падлеткавы фэст у Полацку адмянілі за "прапаганду няправільных каштоўнасцяў"
Абвестка пра касплэй-фэст у Полацку / vk.com/kampai_polotsk
У Полацку адмянілі падлеткавы фэст "Кампай Полацк", заўважыў тг-канал "Віцебск, я гуляю".
Касплэй-шоу мелася адбыцца 27 ліпеня ў мясцовым Палацы культуры. У пабліку аматараў анімэ з'явіўся пост пра адмену мерапрыемства. Арганізатары кажуць, што ў Палацы культуры памяняўся кіраўнік. Новы дырэктар мяркуе, што "анімэ прапагандуе няправільныя каштоўнасці".
"Тыдзень вёў перамовы. Я не змог пераканаць яго, што Кампай — бяскрыўдны дзіцячы ранішнік 12+", — піша арганізатар.
