Палітвязня Уладзіміра Булаўскага не адпусцілі на пахаванне бацькі
Уладзімір Булаўскі / viciebskspring.org
У віцебскага палітвязня Уладзіміра Булаўскага памёр бацька, але сына не адпусцілі з СІЗА на пахаванне, піша "Віцебская Вясна".
Праваабаронцы падкрэсліваюць, што ў следчым ізалятары Булаўскаму практычна не перадаюць ніякіх лістоў — толькі допісы ад брата. Іншых блізкіх сваякоў у палітвязня няма.
Таксама стала вядома, што крымінальную справу віцябляніна перадалі ў пракуратуру. Яго вінавацяць паводле "народнага" арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
Уладзімір Булаўскі — вядомы віцебскі музыка і арганізатар канцэртаў. За кратамі ён перабывае ад снежня 2022 года.
