"Партызаны" правялі атаку на Нацыянальны прававы інтэрнэт-партал РБ
![Хакеры "Фідэля" дзейнічаюць з 2022 года / Ілюстрацыйнае фота pixabay.com](/sites/default/files/styles/gallery_main/public/2023-08/hacker-1725256_1280.jpg.webp?itok=wCxEU1Rr)
Хакеры "Фідэля" дзейнічаюць з 2022 года / Ілюстрацыйнае фота pixabay.com
24 лютага "партызаны" правялі атаку на Нацыянальны прававы інтэрнэт-партал Рэспублікі Беларусь (pravo.by). У выніку ён часова перастаў працаваць, праводзіліся "тэхнічныя працы". Цяпер партал даступны ў Беларусі, але на яго немагчыма зайсці з-за мяжы. Адказнасць за гэтую акцыю ўзяла на сябе "інфармацыйная група Аб'яднанага Штаба Супраціўлення".
"Беларусь пераўтворана ў дзяржаву без законаў, — каментуе акцыю кіраўнік інфармацыйнай групы "Фідэль". — ... Мы хочам нагадаць гэтай бандзе, што іх чакае адказнасць за здзейсненыя злачынствы... Мы супраць любога ўдзелу Беларусі ў вайне!".
Прадстаўнік падполля заявіў, што гэта не апошняя атака на беларускія дзяржаўныя сайты.
"Аб'яднаны штаб Супраціўлення г. Мінска" ўпершыню заявіў пра сябе 16 жніўня 2022-га. На ўзламаным сайце "Беларуськалія" быў змешчаны яго зварот. Праз два тыдні, каб "павіншаваць" Аляксандра Лукашэнку з днём народзінаў, хакеры ўзламалі сайт Мінаблвыканкама. У верасні на ўзламаным сайце БЕЛАЗ "Фідэль" паведаміў пра падрыхтоўку "пашырэння барацьбы з рэжымам".
!["Партызаны" правялі атаку на Нацыянальны прававы інтэрнэт-партал РБ](/sites/default/files/styles/default_image_paragraph/public/paragraphs/image/222_26.jpg.webp?itok=YZozQOKK)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.