Пасля ўчорашняга падзення рубель адыграў у долара больш за 8 капеек
Долары ЗША / pixabay.com
Беларускі рубель па выніках таргоў на валютна-фондавай біржы адыграў у долара больш за 8 капеек. Курс па выніках таргоў склаўся на ўзроўні 3,1833 рубля за долар. Патаннеў і кітайскі юань — на 12,24 капейкі. За 10 юаняў давалі 4,3691 беларускага рубля.
Выраслі еўра (да 3,5 рубля) і расійскі рубель. За 100 расійскіх рублёў давалі 3,289 беларускага рубля. У Маскве, нагадаем, пачалі рэагаваць на абясцэньванне расійскай валюты. Учора расійскі рубель абрынуўся ў дачыненні да долара і да еўра: за долар давалі 101 рублёў, за еўра — 110 рублёў.
Сёння раніцай адбылося пасяджэнне Цэнтрабанка Расіі, на якім было прынятае рашэнне падняць стаўку адразу на 3,5 п.п., да 12%. Гэта было зроблена, каб забяспечыць мэту, заяўленую на 2024 год: інфляцыя — 4%. Але ў найбліжэйшыя месяцы, паводле прагнозу ЦБ, гадавая інфляцыя ў Расіі працягне павышацца.
