У пажары на Мазырскім НПЗ загінуў рабочы
Пажар на Мазырскім НПЗ / МНС
Ратавальнікі ліквідавалі пажар на тэрыторыі Мазырскага нафтаперапрацоўчага завода, піша прэс-служба МНС. Пра пажар стала вядома зранку 13 снежня.
Паведамляецца, што на прадпрыемстве ўспыхнула вуглевадародазмяшчальная сумесь у выніку разгерметызацыі рэактарнага блока камбінаванай ўстаноўкі гідракрэкінгу цяжкіх нафтавых рэшткаў.
На верхнім ярусе ўстаноўкі на адзнацы 34 метры ратавальнікі знайшлі загінулага работніка завода.
Прычына і абставіны пажару высвятляюцца.
Сёлета ў студзені на Мазырскім НПЗ ужо двойчы гарэла ўстаноўка гідракрэкінгу цяжкіх нафтавых рэшткаў.
Пажар на Мазырскім НПЗ / МНС
