План МУС на наступныя выбары: блакаваць інтэрнэт, укідваць фэйкі
![АМАП у Мінску / ТАСС](/sites/default/files/styles/gallery_main/public/2023-08/TS0E3264-2048x1399.jpg.jpg.webp?itok=QAuIL8iR)
АМАП у Мінску / ТАСС
Блакаваць інтэрнэт, укідваць фэйкі пра палітычных апанентаў, спрабаваць перахапіць кантроль над незалежнымі крыніцамі інфармацыі — усё гэта афіцыйна ёсць у планах рэжыма на бліжэйшыя выбары. І не, гэта не проста прагнозы. Пра гэта прагаварыліся прадстаўнікі лукашэнкаўскай улады.
Намміністра ўнутраных спраў Генадзій Казакевіч напісаў артыкул у навуковы часопіс Акадэміі МУС. Тэма – барацьба з “каляровымі рэвалюцыямі”. І вось такія метады ён лічыць эфектыўнымі і прапаноўвае выкарыстоўваць і надалей.
![План МУС на наступныя выбары: блакаваць інтэрнэт, укідваць фэйкі](/sites/default/files/styles/default_image_paragraph_watermark/public/paragraphs/image/1_72.png.webp?itok=8mEH_doP)
У спісе ў тым ліку закідванне “правільных блогераў” на пратэсныя мерапрыемствы і “стрым-тролінг довадаў радыкальных блогераў”.
![План МУС на наступныя выбары: блакаваць інтэрнэт, укідваць фэйкі](/sites/default/files/styles/default_image_paragraph_watermark/public/paragraphs/image/2_41.png.webp?itok=-KHoNTh2)
Наступныя выбары мусяць прайсці ў Беларусі не пазней за 25 лютага 2024 — тады плануецца абраць чальцоў мясцовых саветаў дэпутатаў і Палаты прадстаўнікоў, а таксама Савета Рэспублікі. Да 20 ліпеня 2025-га ў Беларусі мусяць прайсці прэзідэнцкія выбары.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.