Польскія клубы скасавалі кантракты з беларускімі і расійскімі бадмінтаністамі
Польскія клубы скасавалі кантракты з беларускімі і расійскімі бадмінтаністамі, паведамляе ТАСС. Яны выступалі ў Экстралізе Польшчы. Пасля пачатку вайны ва Украіне яшчэ разглядаўся варыянт, каб спартсмены з Беларусі і Расіі працягнулі выступленні. Аднак у выніку ў Польшчы прынялі рашэнне аб поўнай забароне.
У пачатку сакавіка Сусветная федэрацыя бадмінтона забараніла спартсменам з Беларусі і Расіі выступаць на міжнародных спаборніцтвах. Прычынай называлася расійская агрэсія супраць Украіны. На нацыянальныя клубныя турніры гэтая забарона не распаўсюджвалася. Былі забаронены і міжнародныя турніры на тэрыторыі РБ і РФ.
