Пракуратура выявіла "экстрэмісцкую" кнігу ў чатырох інтэрнэт-крамах

У чатырох інтэрнэт-крамах пракуратура Мінска выявіла ў продажы "экстрэмісцкую" кнігу, уключаную ў Рэспубліканскі спіс.

Прэс-служба пракуратуры ўдакладняе, што гаворка ідзе пра wildberries, booklover.by, bestbooks.by і oz.by. А вось назва кнігі не прыводзіцца.

Кіраўнікам арганізацый былі вынесеныя прадпісанні "неадкладна ліквідаваць парушэнні заканадаўства аб супрацьдзеянні экстрэмізму і выключыць прапановы да продажу кніжных выданняў, уключаных у рэспубліканскі спіс экстрэмісцкіх матэрыялаў".

Хаця ўсе парушэнні выпраўленыя, пракуратура пачала адміністрацыйную справу.