Прэзентацыя: сінгл "Вясна" і відэа на яго ад гурта HAINA
Мінскі гурт HAINA прадстаўляе на Еўрарадыё новы сінгл "Вясна". Музыкі вось так каментуюць новую працу:
“Зерне набіраецца сокамі зямлі, каб вырасці ў нешта цэльнае, адметнае, непадобнае. Кожны з нас — зерне. Дзень за днём сябе мы сеем у іншых, іншых — у сабе. Зерне — гэта будучыня, якую варта дачакацца”.
Жывая прэзентацыя "Вясны" адбудзецца на сольным канцэрце каманды ў сталічным клубе TNT 31 траўня. У падтрымку рэліза музыкі знялі кліп, над якім працавалі самастойна.
