Расійскія войскі падарвалі дарогу недалёка ад мяжы Беларусі і Украіны

Расійскія войскі падарвалі дарогу недалёка ад мяжы Беларусі і Украіны. Яна вяла да помніка "Тры сястры", усталяванага ў савецкія часы на месцы, дзе сыходзіліся межы трох рэспублік, а цяпер —  краін. Расійскія прапагандысты сцвярджаюць, што дарога была "танканебяспечным кірункам" і ўкраінскія войскі маглі яе выкарыстаць для атакі на Бранскую вобласць РФ. Якраз па гэтай дарозе ў лютым 2022-га ва Украіну ўваходзілі калоны расійскіх танкаў (а пасля па ёй жа іх рэшткі адступалі).

Дарога Бранск — Чарнігаў была падарваная 30 траўня. Наколькі моцна яна зруйнавана выбухам, пакуль невядома.