Ад распылення газу ў метро пацярпелі чацвёра дзяцей
Усе яны трапілі ў лякарню.
Паведамленне аб пацярпелых паступіла ў міліцыю каля 21.40 ў чацвер. Настаўніца 3-га класа адной са школ распавяла, што з вучнямі яна вярталася з тэатра і на станцыі метро "Плошча Перамогі" яны адчулі непрыемны пах. Затым з дзецьмі яна выйшла з метро і перасела ў аўтобус № 40, дзе самаадчуванне некаторых дзяцей пагоршылася. Чацвёра з іх былі дастаўлены ў лякарню, паведамляе БелаПАН.
Нагадаем, што вечарам 12 студзеня ў вагоне метро на станцыі “Плошча Перамогі”
невядомыя распылілі пярцовы газ. Міліцыя праводзіць разбіральніцтва.
