Міліцыя: У аўтобус з турыстамі, хутчэй за ўсё, не стралялі
Па папярэдняй версіі, у шкло “Сетры” трапіў камень.
Пра гэта Еўрарадыё паведаміў прэс-сакратар сталічнай міліцыі Аляксандр Ластоўскі:
Аляксандр Ластоўскі: “На 99% ніякага стрэлу не было. Найбольш верагодна, што ад машыны адскочыў камень і з-за яго такія праблемы”.
Нагадаем, раніцай 30 ліпеня з’явілася інфармацыя, што на Партызанскім праспекце стрэлілі з пнеўматыкі ў турыстычны аўтобус Setra. Кіроўца аўтобуса заўважыў скразную адтуліну ў шкле і выклікаў міліцыю.
