У Беларусі, магчыма, аб’явяць трохдзённую жалобу з-за смерці Чавеса
Як стала вядома Еўрарадыё, тэлеканалы пераробліваюць праграму перадач, прыбіраючы забаўляльныя і рэкламныя блокі. На некаторых дзяржустановах прыспушчаныя сцягі
Па некаторых звестках, будзе выпраўленая святочная сетка вяшчання, запланаваная на 8 сакавіка. Яе нібыта перанясуць на дзень пазней. Жалобу плануюць абвясціць на тры дні: з 6 па 8 сакавіка.
Між тым, Аляксандр Лукашэнка дагэтуль не адрэагаваў на смерць венесуэльскага лідара. У прэс-службе беларускага кіраўніка не змаглі адказаць Еўрарадыё, ці прыме Лукашэнка ўдзел у пахаванні Чавеса.
