Урад абяцае беларусам сярэдні заробак у 1300 долараў
Паводле канцэпцыі развіцця прамысловага комплексу да 2020 года, у той час сярэдні заробак мусіць дасягнуць гэтай лічбы.
Аб гэтым паведаміў намеснік міністра эканомікі Анатоль Філонаў:
"Гэта стварэнне высокапрадукцыйных працоўных месцаў — 400 тысяч. Гэта рост валавой дабаўленай вартасці ў 2,4 разы. Павышэнне заработнай платы да ўзроўню 1300 долараў".
Паводле слоў Філонава, для гэтага прадугледжваюцца "свае інструменты". Напрыклад, меры стымулявання працы, рост і ўзмацненне навукова-тэхнічнай падтрымкі прамысловых прадпрыемстваў і структурная перабудова.
