Справу журналіста-палітвязня Дзяніса Івашына будуць разглядаць у закрытым рэжыме
![Справу журналіста-палітвязня Дзяніса Івашына будуць разглядаць у закрытым рэжыме](/sites/default/files/styles/gallery_main/public/2023-08/di1.jpg.webp?itok=Xf7U3Z1q)
15 жніўня ў Гродне пачаўся суд над журналістам-палітвязнем Дзянісам Івашыным. Яго абвінавачваюць у "здрадзе дзяржаве", Івашыну пагражае да 15 гадоў зняволення. Крымінальную справу разглядае Гродзенскі абласны суд, суддзя — Валерый Раманоўскі. Ён спаслаўся на "дзяржаўныя таямніцы" і заявіў, што працэс будзе праходзіць у закрытым рэжыме.
Дзяніса Івашына затрымалі 12 сакавіка 2021-га. Спачатку яго падазравалі ва "ўмяшанні ў дзейнасць супрацоўніка органаў унутраных спраў". Восенню стала вядома пра падазрэнне ў "здрадзе дзяржаве". Беларускія праваабаронцы прызналі журналіста палітвязнем.
Івашын вядомы найперш расследаваннямі пра ўкраінскіх сілавікоў, якія пасля Майдана ў 2014 годзе збеглі ў Беларусь і ўладкаваліся ў міліцыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.