Сына нарвежскай прынцэсы арыштавалі за згвалтаванне

27-гадовы сын нарвежскай кронпрынцэсы Метэ-Марыт быў арыштаваны па падазрэнні ў згвалтаванні. Як паведамляе паліцыя, Марыус Борг Хёйбю быў затрыманы ўвечары 18 лістапада.

Паліцыя ўдакладняе, што сына прынцэсы падазраюць у згвалтаванні. Ахвяра сэксуалізаванага гвалту не магла аказаць супраціўленне.

Марыуса Борга Хёйбю ўжо неаднаразова затрымлівалі. Напрыклад, у жніўні 2024 года ён быў абвінавачаны ў нанясенні цялесных пашкоджанняў сваёй сужыцельцы. У верасні яго зноў арыштоўвалі — за парушэнне судовай пастановы.

Пакуль невядома, ці будзе гэтым разам прадстаўнік каралеўскай сям'і ўзяты пад варту.