Сёлета беларусы радзей праходзяць тэхагляд, чым летась

Сёлета беларусы радзей праходзяць тэхагляд, чым летась. Пра гэта сведчаць даныя, змешчаныя на сайце прадпрыемства "Белтэхагляд". З іх вынікае, што ў першым паўгоддзі 2020 года выдадзена 361,2 тысячы дазволаў на допуск транспартных сродкаў да ўдзелу ў дарожным руху (у Мінску — больш за 67 тысяч). Летась за гэты ж перыяд іх было 556,7 тысячы (у сталіцы — больш за 102 тысячы). Зніжэнне ў сярэднім склала 35%. Найгоршая сітуацыя ў гэтым плане ў Гродзенскай і Гомельскай абласцях (больш за 37%). У чэрвені 2020-га выдадзена 69,4 тысячы дазволаў, у чэрвені 2019-га было 108,6 тысячы.

Мяркуецца, што гэта звязана з нежаданнем кіроўцаў плаціць дарожны падатак. Працэдура мусіць быць перагледжана, пра што прадстаўнікамі ўлады заяўлялася неаднаразова. Аднак дагэтуль гэтага не адбылося.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.