У Дрыбінскім раёне ў лабавым сутыкненні аўтамабіляў пацярпела дзіця
![У Дрыбінскім раёне ў лабавым сутыкненні аўтамабіляў пацярпела дзіця](/sites/default/files/styles/gallery_main/public/2023-08/224_4.jpg.webp?itok=kkOoWrV0)
Раніцай 5 студзеня ў Дрыбінскім раёне ў лабавым сутыкненні двух легкавых аўтамабіляў (Volkswagen і MG) пацярпела трое чалавек, у тым ліку і 2-гадовае дзіця. З рознымі траўмамі іх завезлі ў бальніцу, паведамляе магілёўская міліцыя.
Вадзіцель Volkswagen не ўлічыў умовы надвор'я, і на закругленні дарогі не саўладаў з кіраваннем, выехаў на паласу сустрэчнага руху. Пацярпеў ён і яго пасажыры — 49-гадовая жанчына і згаданае дзіця. Апошняе ад сур'ёзных траўмаў выратавала спецыяльнае дзіцячае аўтакрэсла.
На месцы аварыі / Фота магілёўскай міліцыі
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.