У Гродне школьнікаў затрымалі за тое, што яны патушылі Вечны агонь
Скрыншот з відэа
У Гродне школьнікаў 14 і 15 гадоў затрымалі за тое, што яны патушылі Вечны агонь. Інцыдэнт адбыўся ўвечары 15 кастрычніка ў парку Жылібера на Брацкай магіле савецкіх воінаў і партызан.
На відэа, якое апублікавалі праўладныя тг-каналы, бачна як адзін хлопец залівае Вечны агонь напоем, а другі здымае яго.
Паведамляецца, што на абодвух завялі крымінальную справу за злоснае хуліганства. Іх змясцілі ў ізалятар.
