У Кітаі Сабаленка з цяжкасцю абыграла Пуцінцаву
Арына Сабаленка / skysports.com
На турніры ва Ухані ў матчы трэцяга круга Арына Сабаленка з цяжкасцю абыграла Юлію Пуцінцаву з Казахстана. Беларуская тэнісістка першы сэт прайграла з лікам 1:6, але пасля змагла пераламаць сітуацыю на корце: 6:4 і 6:0.
Сабаленка — 2-я ракетка свету, Пуцінцава — 35-я.
"У першым сэце падавалася, што ўсё, што яна робіць, ідэальна, — кажа Арына Сабаленка пра саперніцу. — Але я старалася. Вельмі радая, што змагла сабраць сябе ў другім сэце і гэта спрацавала... Трэба было працаваць, бегаць, рыхтаваць удары правільна, а не спяшацца. Увесь час паўтарала сабе гэта. Думаю, гэта дапамагло, менавіта маленькія дыялогі з сабой. І нібы нешта пстрыкнула. Рух стаў лепшы. Рашэнні, якія я прымала сталі нашмат лепш. Я адчувала, што гэта быў сапраўды паваротны момант у матчы".
У пятніцу ў паядынку 1/4 фіналу беларуска згуляе з Магдаленай Фрэнх з Польшчы, 27-й ракеткай свету.
