У Мікалаеве паказалі партрэты загінулых беларускіх добраахвотнікаў
На выставе ў Мікалаеве, 7 сакавіка 2024-га / suspilne.media
У Мікалаеве паказалі партрэты беларускіх добраахвотнікаў, якія загінулі, абараняючы Украіну. У гэтым украінскім горадзе адкрылася выстава "З Украінай у сэрцы", арганізаваная дабрачынным фондам "Вільна Білорусь", паведамляе suspilne.media.
На сённяшні дзень вядома пра 58 загінулых добраахвотнікаў. Не ўсе іх прозвішчы называюцца, паколькі іх родныя і блізкія знаходзяцца ў Беларусі.
Выстава працягнецца да 16 сакавіка ў гарадскім Цэнтры культуры і вольнага часу. Дарэчы, кіраўніку ўпраўлення па пытаннях культуры і культурнай спадчыны Мікалаеўскай гарадской рады Юрыю Любараву прапанавалі абмеркаваць "магчымасць перайменавання ў Мікалаеве вуліц у гонар беларускіх Герояў".
